في البداية هناك حالتين لتمديد العودة للتابعين هما:

الحالة الاولي: أن لا يمر على التابعين 7 أشهر خارج المملكة (من تاريخ أخر ختم خروج من المملكة) مالم يكن أحد الابناء في سن الدراسة (6-21) سنة، وأن لا يمر على التابعين 13 شهر خارج المملكة (من تاريخ أخر ختم خروج من المملكة) اذا كان أحد الابناء في سن الدراسة (6-21) سنة.

علما بأنه حاليا بقت تاشيرة الخروج والعودة للزوجة والابناء 6 اشهر مالم يكن أحد الابناء في سن الدراسة (6-21) سنة واذا كان احد الابناء في سن الدراسة يسمح بتاشيرة خروج وعودة لمدة سنة(12 شهر).

الشرح: يعنى لو انت عامل الحد الاقصى في التاشيرة 6 شهور في حالة الزوجة بدون ابناء او في حالة الزوجة بابناء  مش في سن التعليم  يبقى ليك شهر واحد بس سماح تقدر ترجعهم فيه وهو الشهر السابع ، ولو انت عامل الحد الاقصى في حالة الزوجة بابناء في سن التعليم بردو ليك شهر واحد اللى هو الشهر 13 تقدر ترجعهم فيه ( والحالة دى اجراءاتها سهلة وهيتم شرحها بالتفصيل).

الحالة الثانية: أن يكون مر على التابعين أكثر من 7 أشهر خارج المملكة (من تاريخ أخر ختم خروج من المملكة) مالم يكن أحد الابناء في سن الدراسة (6-21) سنة، وأن يكون مر على التابعين اكثر من 13 شهر خارج المملكة (من تاريخ أخر ختم خروج من المملكة) اذا كان أحد الابناء في سن الدراسة (6-21) سنة.

الشرح: يعنى لو انت عامل الحد الاقصى في التاشيرة 6 شهور في حالة الزوجة بدون ابناء او في حالة الزوجة بابناء مش في سن التعليم  وعدى أكثر من شهر بعد كسر التاشيرة ، أو لو انت عامل الحد الاقصى في حالة الزوجة بابناء في سن التعليم 12 شهر وعدى أكثر من شهر بعد كسر التاشيرة ( يبقى انت في الحالة الثانية واجراءتها طويلة شوية وهيتم شرحها بالتفصيل).

مثال مهم

زوجة بدون أطفال او معها اطفال مش في سن التعليم وعاملة تاشيرة مدتها 4 اشهر وتم كسر التاشيرة فحالتها لا تخلو من حالتين:

لو قعدت بعد كسر التاشيرة اقل من 3 شهور خارج المملكة يبقى حالتها هى الحالة الاولى ولو قعدت اكثر من 3 شهور خارج المملكة يبقى تدخل في الحالة الثانية.

اجراءات الحالة الاولى:

يتم عمل المستندات التالية وادخالها تسهيل في مصر:

1. صوره من جواز السفر لكل تابع (يجب أن لا تقل صلاحية الجواز عن ستة أشهر )
2. أصل جواز السفر لكل تابع
3. عدد 2 صور شخصية حديثة بخلفية بيضاء
4. صورة من تأشيرة الخروج والعودة فى حال تواجدها
5. صوره من موقع مقيم https://www.eserve.com.sa/VVSWeb
6. صوره من أخر ختم خروج من السعوديه
7. صورة رخصة الاقامة
8. اقرار عدم زواج للفتيات في حال تجاوز سن " 18 عام " ، و أثبات قيد دراسي لمن يدرسون في مصر.(قنصلية الاسكندرية والسويس)
9. خطاب لطلب التمديد موجه للقسم القنصلى من الشركة السعودية موثق من الغرفة التجارية وموثق من وزارة الخارجية السعودية.
10. برنت من الجوازات لكل تابع
11. تذكرة مقيم لكل تابع

جميع المستندات السابق ذكرها سهلة ومعروفة ماعدا اخر 3 نقاط وشرحهم فيما يلي:

أولا: خطاب طلب التمديد وصيغته كالاتي:

سعادة رئيس القسم القنصلي

                                                                                                                                                                                 بسفارة خادم الحرمين الشريفين في مصر،،،،،،،،، يحفظه الله

السلام عليكم ورحمة الله وبركاته

نفيد سعادتكم بأن السيد/ .............................. يعمل لدينا بمهنة (.............)، وعائلته تتكون من :

·         ............................... –  زوجة  

·         ............................... – ابن

ولديهم تأشيرة خروج وعودة وإقامتهم سارية المفعول حتى تاريخ .................

نرجوا من سعادتكم تمديد تأشيرتهم ليتمكنوا من الالتحاق بعائلهم في مقر عمله .

وتقبلوا سعادتكم أطيب تحياتي.،،،،

ختم الكفيل / مؤسسة

(                     )

يتم تعبئة الخانات الفاضية وختمه بختم وامضاء الكفيل ويتم توثيقه بالغرفة التجارية (25 ريال) ثم توثيقه من وزارة الخارجية (30 ريال).

ثانيا: برنت من الجوازات لكل تابع ودا هتروح لجوازات الرياض الدور الارضي هتلاقى عسكرى قاعد بكمبيوتر على ايدك اليمين بجوار الصالة واخد كونتر لوحده من غير شباك هتديله اقامتك و تقله عايز برنت لافراد العائلة لتمديد العودة وهيدهمك وانت واقف.

ثالثا: تذكرة مقيم ( معلومات وافد) ودى هتطلع الدور التالت في الجوازات بعد ماتخلص البرنت من الارضي وهتدخل قسم الفقدان وهتروح على تالت شباك هتلاقى جنب الموظف استمارات هتاخد استمارات بعدد التابعين لديك وهتملى بياناتهم بالاستعانة بالبرنت اللى معاك ( كل البيانات المطلوبة فيهم موجودة في البرنت بالظبط ماتتلغبطش). وهتديهم للموظف اللى خدت منه الاستمارات وهيمضيلك ويختملك عليهم وكدا يبقى خلصت .

تبعت الورق مصر او تبعت صور منهم مفيش مشكلة في تساهيل الاصل او الصور.

ملحوظات هامة جدا:

1- فترة السماح للسفر بعد اخذ التاشيرة على الجواز بتمتد مع انتهاء الشهر السابع او الشهر 13 على حسب كل حالة.

يعنى لو رحتو قدمتو الورق في تساهيل قبل ماينتهى الشهر السابع (في حالة لايوجد ابناء في سن التعليم) او الشهر ال13 ( في حالة وجود ابناء في سن التعليم) واستلمتوه قبل 5 ايام مثلا من انتهاء الشهر 7 او الشهر 13  يبقى فترة الصلاحية للسفر هتبقى 5 ايام . يعنى من الاخر لازم التابعين يدخلو السعودية تانى قبل مايخلص الشهر السابع او الشهر ال13 على حسب كل حالة.

2- بتختلف المستندات المطلوبة لكل قنصلية في مصر على حسب محافظتك ( قنصلية القاهرة – قنصلية السويس – قنصلية الاسكندرية)  ولكن المستندات اللى ذكرتها تنفع للتقديم في الثلاث قنصليات للاحتياط.

اجراءات الحالة الثانية:

الخطوة الاولي: تطلع على الجوازات تجيب برنت لكل تابع من الدور الارضي كما سبق شرحه و تطلع الدور الثالت تجيب تذكرة مقيم لكل تابع كما سبق شرحه ايضا.

الخطوة الثانية: كتابة طلب بالكمبيوتر بالصيغة التالية:

بسم الله الرحمن الرحيم

صاحب السمو الملكي الأمير محمد بن نايف بن عبد العزيز ال سعود

ولي العهد نائب رئيس مجلس الوزراء وزير الداخلية

تحية طيبة وبعد،،،

         نفيد سموكم بأن السيد/ ................،  يحمل اقامة رقم / ................ مصري الجنسية و يعمل لدينا بمهنة (..............)، قد خرجت زوجته  وتحمل إقامة رقم / ................. ،  بتأشيرة رقم / ...............،  بتاريخ.............. . وأبنه يحمل إقامة رقم / ................، بتأشيرة رقم / ..................،  بتاريخ ............... . ولم يتمكنا من العودة نظرا لظروف طارئة ,  وإقامتهم سارية المفعول حتى تاريخ ....................

نرجوا من سموكم الموافقة بتمديد العودة لهم ليتمكنوا من الالتحاق بعائلهم في مقر عمله.

وتفضلوا بقبول وافر التقدير والاحترام.،،،،

ختم الكفيل / مؤسسة

(                        )

1- يتم ملئ الخانات السابقة ( جميع المطلوب التمديد لهم و ارقام اقامتهم و التأشيرات و تاريخ المغادرة ميلادي او هجري ).

2- الكفيل يوقع على الطلب و يختم بخاتم العمل.

3- يتم تصديق الغرفة التجارية على الطلب. (25 ريال)

الخطوة الثالثة:  التوجه الى مكتب وزير الداخلية ( عنوانه : حى المروج أمام مبنى الخطوط السعودية  (شارع العليا العام الرئيسي)) وخذ رقم من البوابة والتقدم للموظف بالمستندات التالية

-          صور الاقامات (ومن بينهم صورة اقامة رب الاسرة) والاصل للاطلاع

-          صورة من البرنت لكل فرد من الجوازات

-          صورة جواز سفر رب الاسرة

-          رقم السجل التجاري للشركة ( ليس رقم الغرفة التجارية)

-          الخطاب السابق ذكره

، سيتم إبلاغك بحالة الطلب عن طريق رسالة ستصلك على الجوال المدون فى الطلب (تم وصول الرسالة بعد يومين من التقدم بالطلب)، الرسالة تحتوى على رقم القيد للمعاملة وتاريخه ونصها ( أخي المراجع، قيدت معاملتكم برقم ..... وتاريخ:....... وزارة الداخلية).

ثم تأتى رسالة اخرى على الجوال ونصها ( أخي المراجع ، صدرت معاملتكم برقم :.... وتاريخ:.... وتم تحويلها الى مركز الاتصالات الادراية، وزارة الداخلية).. تم وصول الرسالة بعد 10 ايام من تاريخ الرسالة الاولي.

الخطوة الرابعة: تنتظر 4 ايام ثم تذهب الى قسم شئون الوافدين ( عنوانه : شارع العليا العام - خلف مبنى وزارة الداخلية وملاصق لكليات الرياض لطب الاسنان والصيدلة ) المبني لا يوجد عليه اى لافتات وتطلع الدور الرابع وتذهب لمكتب الاستعلام عن المعاملات . هتديله رقم قيد المعاملة اللى جه في الرسالة الاولي هيطبع لك ورقه فيها معلومات عن الطلب بتاعك زى  رقم الصادر ورقم القيد الخ.... . احتفظ بها.

الخطوة الخامسة:  تعمل طلب الكتروني على موقع وزارة الخارجية تمديد عودة و تكتب رقم الموافقة وتاريخ الموافقة من الرسالة الاخيرة اللى جتلك و تمضى انت في خانة طاحب الطلب والكفيل يمضى في خانة صاحب العمل ولا حاجة للختم ولا حاجة لتوثيقه من الغرفة التجارية . ( فقط الامضاء).

الخطوة السادسة والاخيرة:  التوجه لوزارة الخارجية في حى الناصرية  (شارع الوشم) المدخل الشرقي هتدخل تاخد رقم و هتدخل للموظف على الشباك بالمستندات التالية:

-          اصل البرنت لكل تابع .

-          تذكرة مقيم ( معلومات وافد) لكل تابع.

-          صور الاقامات لكل تابع.

-          صورة اقامة رب الاسرة والاصل للاطلاع.

-          طلب التمديد الالكتروني السابق.

-          ورقة اللى احتفظت بها من قسم شئون الوافدين.

ملحوظة في حالتي الموظف رجعلى تذكرة مقيم لكن انصح باحضارها احتياطي.

هياخد الموظف منك الاوراق ويقلك تابع على الموقع برقم الطلب ( تم الحصول على مستند التاشيرة في خلال 3 ايام )

ملاحظات هامة :

1- في مكتب وزير الداخلية هيديك ورقة فيها شرح ازاى هتدخل على النت تستعلم على حالة الطلب بتاعك و رقم علشان تتصل عليهم للاستعلام لو معندكش نت. والاستعلام بيتم كالاتى للى مش هياخد الورقة من موقع وزارة الداخلية – ثم الاستعلامات الالكترونية - ثم الاستعلام العام عن المعاملات- ثم اختار (اتصالات مكتب الوزير) وبتكتب رقم القيد وتاريخه وبيتم الاستعلام .

2-  لما بتجيلك الرسالة التانية بتاعة صدرت معاملتكم برقم ... وتاريخ.... لما بتتصل بيهم بتستعلم ايه الخطوة التالية بيقولولك راجع وزارة الخارجية . اوعى تراجع وزارة الخارجية الا لما تحضر المستندات السابق ذكرها علشان ماتروحش على الفاضى وتضيع وقت.

3- في مستندات مكتب وزير الداخلية قدم صورة البرنت مش الاصل علشان هتحتاج الاصل في مستندات وزارة الخارجية.

4- طلب التمديد الالكتروني لوزارة الخارجية لازم تكتب الاسماء زى الاقامات بالظبط .

5- الورقة اللى هتاخدها من قسم شئون الوافدين ممكن تروح تاخدها من وزارة الداخلية نفسها من مركز الاتصالات الادارية ولكن دخولها وتفتيشها صعب ولا انصح بوزارة الداخلية والاسهل قسم شئون الوافدين.

أخيرا التوجه لتساهيل في مصر بالمستندات التالية:

1. صوره من جواز السفر لكل تابع (يجب أن لا تقل صلاحية الجواز عن ستة أشهر )
2. أصل جواز السفر لكل تابع
3. عدد 2 صور شخصية حديثة بخلفية بيضاء
4. صورة من تأشيرة الخروج والعودة فى حال تواجدها
5. صوره من موقع مقيم https://www.eserve.com.sa/VVSWeb
6. صوره من أخر ختم خروج من السعوديه
7. صورة رخصة الاقامة
8. اقرار عدم زواج للفتيات في حال تجاوز سن " 18 عام " ، و أثبات قيد دراسي لمن يدرسون في مصر .(قنصلية الاسكندرية والسويس).
9. مستند التأشيرة.
10. برنت من الجوازات لكل تابع
11. تذكرة مقيم لكل تابع

مستندات في اخر 3 نقاط ممكن الاصل او صور منها .

غالبا صلاحية السفر بتبقى 15 يوم في معظم الحالات

نسألكم الدعاء........